Aktivitet sportive të organizuara në shkollë “Raqi Qirinxhi“ gjatë DITËVE TË HAPURA
Në datën 5 mars 2016, u zhvillua në mjediset e gjimnazit “Raqi Qirinxhi”- Korçë, aktiviteti “DITËT E HAPURA”. Nëpërmjet “DITËVE TË HAPURA”, shkolla komunitare synon krijimin e një qasje të re inovative ku partneriteti shkollë-familje-komunitet ndërvepron për të krijuar një kulturë, një filozofi, një politikë dhe një praktikë të re në mbështetje të shkollës gjithëpërfshirëse dhe të hapur për komunitetin.
Ndër aktivitet e shumta që u zhvilluan gjatë “DITËVE TË HAPURA”, nuk mund të mungonin dhe aktivitetet sportive si: ndeshja e volejbollit, e futbollit dhe e tenisit, që lidhen me komponentin Rekreacion dhe Sport, i cili është një nga pesë komponentët kryesore ku fokusohet projekti SHQK. Pjesë e këtyre lojrave u bënë nxënësit, prindërit dhe disa fëmijë të komunitetit.