Rreth Shkollës
Gjimnazi “A. Z. Çajupi” është hapur në vitin 1959, në truallin ku ka qenë punishtja e familjes Qyqja. Në fillim kishte 62 mësues dhe 1348 nxënës. Gjimnazi “A. Z.Çajupi” ka qenë shkollë sportive me profil Atletik. Në vitin 1966, shkolla 8-vjeçare u nda nga shkolla e mesme. Rikonstruksioni i parë u bë në vitin 1999, në këtë vit stafi kishte 56 mësues dhe 1146 nxënës. Deri në vitin 2009 shkolla ka qënë me sistemin 4-vjeçar të studimeve, pas këtij viti, duke iu përshtatur reformës që iu bë në sistemin arsimor parauniversitar në Shqipëri, kaloi në sistemin 3-vjeçar të studimeve. Drejtori i parë ka qenë Z. Sofokli Afezolli, figura të shquara që kanë studiuar në këtë gjimnaz: Z. Rexhep Mejdani (ish president i Republikës), Z. Maqo Laknori (ish ministër i Arsimit).
Misioni dhe Organizimi
Gjimnazi “A. Z. Çajupi” ka si qëllim rritjen e shkallëve të kualifikimit të mësuesve dhe zhvillimin e vazhdueshëm dhe trajnimeve që rrisin profesionalizmin tek mësuesit. Të përmirësojmë cilësinë e stafit të mësuesve duke përzgjedhur mësuesit e rinj në bazë të performancës së lartë të etikës dhe profesionit, dhe duke rritur përgjegjshmërinë, etikën dhe kulturën tek mësuesit.Të rrisim mbështetjen dhe qëndrueshmërinë financiare, duke siguruar mbështetjen e pushtetit vendor dhe bizneseve të ndryshme dhe përmirësimin e efikasitetin për rritjen e nivelin e shërbimeve. Të menaxhojmë me rigorozitet në përputhje me ligjin buxhetin e shkollës.
Objektivat:
- Të përmirësojmë arritjet e nxënësve
- Të përmirësojmë punën e mësuesve dhe rolin e tyre udhërrëfyes.
- Të zbatojmë kurrikul rigoroze dhe të përshtatshme në përputhje me rezultatet e deritanishme dhe në përputhje me synimet dhe zgjedhjet e nxënësve.
- Të rrisim angazhimin e nxënësve, në konkurse, olimpiada dhe aktivitete artistike, mjedisore, sportive etj.
- Të rrisim angazhimin e nxënësve, të prindërve dhe të komunitetit për përkrahjen e talenteve të reja.
- Të përmirësojmë punën me talentet e reja dukepunuar individualisht me nxënësit më të spikatur.
- Të nxitim te nxënësit dëshirën për karrierë dhe lidership.
- Të rrisim sigurinë dhe të krijojmë mjedis mbështetës për të mësuar
Infrastruktura
Gjimnazi “A. Z. Çajupi” është i pozicionuar në afërsi të qendrës së Tiranës dhe bën pjesë në njësinë bashkiake Nr. 3, me 43.270 banorë. Ndërtesa e shkollës përfaqësohet nga një godinë tre katëshe. Gjimnazi ka 34 mjedise që shërbejnë për zhvillimn e orëve mësimore me një sipërfaqe prej 748 m2, bibliotekën e shkollës, 2 laboratorë informatike, terrene sportive me një sip. Prej 1500 m2, 1 sallë aktivitetesh, 1 dhomë e qeverisë së nxënësve, 1 sallë mësuesish, 1 dhomë mjeku, 1 dhomë dentisti, 1 dhomë psikologu, 2 zyra nëndrejtorësh, 1 zyrë drejtori, 1 sekretari. Mësimi fillon në orën 08:00 – 14:00. Ora e mësimit zgjat 45 minuta, ndërmjet orëve ka 5 minuta pushim dhe pas orës së tretë një pushim prej 25 minutash.